Министерството за одбрана категорично ја демантира информацијата дека 300 професионални војници на АРМ од втората механизирана пешадиска единица во кичевската касарна „Чеде Филиповски Даме“ со денови немале греење и спиеле надвор во војнички шатори.
„Голем шатор, а во него „распослани“ ќумбиња на дрва. Тука се грееме, спиеме, готвиме“, вака раскажува војник за НОВА кој што сакаше да остане анонимен, а кој е вработен во касарната во Кичево.
Војник од касарната во Кичево за Нова ТВ анонимно се пожали дека 300 војници спијат, се греат и готват во голем шатор, каде има „распослани“ ќумбиња на дрва. Војникот изјавил дека оваа состојба трае цела недела, откако во касарната нема струја.