Светската автомобилска федерација ФИА ќе започне истрага за несреќата на Кевин Магнусен за време на големата награда на Белгија, со цел да ја открие причината зошто при сударот лесно се откачи неговата заштитна кацига.
Данскиот Ф1 возач од редовите на Рено, Кевин Магнусен, кој на вчерашната трка на патеката Спа Франкоршамп, имаше сериозно излетување, по што потоа бил однесен во болница поради мала повреда на зглобот.
Големата награда на Белгија во Формула 1 беше прекината само по девет кругови поради страшниот удар на Кевин Магнусен, кој во шестиот круг изгуби контрола на болидот и се удри право во заштитната ограда.