Нова студија објавена во журналот Nature Medicine вели дека постарите луѓе со ниски нивоа на воспаленија (кои се причина за повеќето болести) имаат нешто заедничко – сите тие консумирале кафе.
Повеќето од нас пијат една шолја кафе наутро за енергетски поттик, а потоа во текот на денот уште една или две, па и повеќе. Поради тоа многумина се прашуваат дали овој популарен пијалок е всушност добар или штетен за здравјето.
Дејвид Фурман од Институтот за имунитет, трансплантација и инфекции од Стенфорд универзитетот, кој е и автор на студијата, вели дека колку повеќе кофеин луѓето внесувале, толку биле позаштитени од хроничните состојби на воспаленијата.